Во автокамп во Охрид пронајдена марихуана кај двајца жители на Драслајца

На 01.12.2021 околу 21 часот во автокамп во Охрид, полициски службеници од Одделението за недозволена трговија со дрога при СВР Охрид ги приведоа и лишија од слобода М.М.(34) и М.К.(24), двајцата од струшкото село Драслајца.

При преглед на патничко возило „форд мондео”, со струшки регистарски ознаки во кое биле двајцата, пронајдена и одземена е марихуана. По целосно документирање на случајот против нив ќе биде поднесена соодветна пријава – информираат од СВР Охрид.