ВМРО НП бара да се изврши урбанизација на руралните средини

ВМРО Народна партија смета дека Владата напразно ветува ревитализација на селата кога за приклучување на електрична мрежа луѓето во овие средини плаќаат по 1500 евра. Претседателот на охридскиот огранок на ВМРО Народна партија, Ванчо Костоски вели дека единствениот монопол во државата, ЕВН, покрај според нив нереалните цени за приклучок, воведуваат и ново правило во кое доколку некој граѓанин воопшто не потроши електрична енергија во одреден период, ќе му биде одземено броилото. Костоски вели дека вакво правило нема во ниту една друга држава во светот.

Дополнителен проблем според Костоски за оние кои живеат во населени места надвор од градските средини е и обемната документација која е потребна за добивање на приклучок, но и потребата од изработка на урбанистичка планска документација за руралните средини.

„Не може да не се дава приклучок на една куќа, некој што во овие тешки моменти ќе се осуди да направи во едно село, затоа што немало легализација, односно немало урбанизација. Што треба за граѓаните. Во населените места и селата знаете дека нема детални урбанистички планови, штом нема, не можете да градите куќа, односно треба сами да го урбанизирате местото, тоа најмалку чини од 1500 до 2500 евра за поединечна урбанизација. Ако Владата е подготвена, треба овие населени места и села да ги урбанизира, да донесе детални урбанистички планови и луѓето низ една нормална постапка да стигнат до дозвола.“-вели претседателот на ВМРО Народна партија од Охрид.

{loadposition content9}