Од ОК на ВМРО ДПМНЕ Охрид сметаат дека чинот на Владата за доделување на градежното земјиште на менаџирање на локалната самоуправа значи спроведување на децентрализацијата како процес. А тоа што овој процес се случува дури сега а не порано, според нив, е резултат на неодговорноста и неспособноста на локалната власт која со години го блокирала развојот на Охрид.
„Охрид согласно законските норми ќе треба квалитетно отсега да управува со градежното земјиште и преку тоа да обезбеди квалитетен развој на Општината во иднина.Но довербата во оваа сегашна Локална самоуправа во Охрид на СДСМ и во овој Градоначалник Петрески е сведена на минимум. Знаејќи со каков очаен менаџерски потенцијал располага Локалната во моментов на раководни места, знаејќи го коруптивниот и криминоген начин на размислување на Градоначалникот на Охрид Петрески и на раководните лица од Локалната и знаејќи дека единствено што знаат е само личниот интерес , ги потсетуваме да не си поигруваат со Охрид како што прават 8 години , да не направат нови и штетни и непоправливи одлуки во однос на Охрид како што прават досега и да не ја уништата иднината за развојот на Охрид затоа што и досега доволно му наштетиле на Охрид.„ -стои во соопштението од ОК на ВМРО ДПМНЕ.
