ВМРО – ДПМНЕ: Политички реваншизам во образовните институции

Социјалдемократскиот сојуз без работа остави над 50-тина стручни и обучени наставници и стручни соработници со решение на неопределено работно време, во образовните институции во Охрид. Тоа се бремени жени, самохрани мајки, млади, луѓе со фамилии, на голем дел од нив тоа им е основен извор на приход, плата од која ја прехрануваат целата фамилија.

„Ова ли е еднаквоста и солидарноста? Ова ли е еднаквост за сите и непартизираното општество кое го ветуваа? Ова е класичен политички реваншизам. Единствената задача на довчерашните партиски потрчковци и шарачи на институции од СДС, а сега незаконски поставени директори, е да ги шиканираат, малтретираат и заплашуваат оние што не мислат како СДС. “ – вели Перчо Божиноски, портпаролот на ВМРО – ДПМНЕ.

За ВМРО ДПМНЕ отстранување од воспитно-образовниот процес на просветните работници иако за сите нив УО-и се изјаснале со позитивно мислење е неоправдано, по принципот на субјективно партиско размислување и пресметка со политичките опоненти и неистомисленици.
Изјава : Перчо Божиновски портпарол ОК ВМРО ДПМНЕ

„Предизборните ветувања на градоначалникот Јован Стојаноски, дека кон вработените во администрацијата и јавните претпријатија нема да има никаков реваншизам, беа чист популизам. “ вели Божиноски.

Од ВМРО-ДПМНЕ јавно ги повикаа Државниот просветен инспекторат и Синдикатот на просветни работници да ги заштитат наставниците додека пак Директорите веднаш да ги отповикаат овие , како што рекоа, несфатливи и крајно реваншистички одлуки за кои ќе сносат одговорност. Додаваат дека на секој легален начин ќе се спротивстави на ваквите појави.