Владо Цветкоски ја претстави изборната програма

Кандидатите за членови на оштинскиот совет од листата на носителот Владо Цветкоски, денес ја презентираа нивната изборна програма.

Цветкоски при тоа потенцираше дека, за да се изработи квалитетна предизборна програма, потребно е да се лоцираат социо-политичките ситуации на територијата на општината, да се избере стратегијата и да се одреди една или повеќе целни групи.         

Оваа советничка група ќе биде насочена кон  подобрање на живеењето во Охрид во  дваесетина области,  разработени според карактеристиките на општината.
Една од приоритетните задачи ќе биде уредување  и употребата на градежното земјиште. Тие ќе се залагаат  и за брз економски развој на градот, изградба на резервоари за здрава вода за пиење,
проширување на зелениот појас и паркови, развој на спортот и туризмот во здрава животна средина.
Ова се само дел од нивната обемна програма.
Кандидатите за советничката група со реден број 13 го промовираа и нивниот слоган „Се за Охрид“.

{loadposition content9}