Визер ги редуцира летовите од аеродромите во Македонија до познатите туристички места во Европа

Само за еден ден нискобуџетната компанија Wizz Air потврди дека ги прекинува операциите на релација Охрид – Милано/ Малпенса, како и летовите од Скопје кон Барселона и Ларнака пишува специјализираниот портал „Exyuaviation“.

Двата неделни лета беа лансирани во март 2019 година, но беа прекинати во 2020 година поради пандемијата на коронавирус.

„Визер“ во моментов ги одржува летовите од Охрид до Базел, додека сите други линии се привремено суспендирани.

Во овој момент, операциите кон Меминген и Малме ќе продолжат кон крајот на февруари, додека летовите до Виена, Дортмунд, Фридрихсен и Лондон Лутон треба да бидат обновени во март.