Василески: Дел од програмата „Реално“ и Светиклиментовиот универзитет

Возобновувањето на Светиклиментовиот универзитет предвидува изградба на манастирски конаци, Богословски факултет, музеј на Плаошник, Светиклиментова библиотека, Македонски институт за хуманистички науки и канцеларија на МАНУ за хуманистички науки. Со овој проект ќе блесне целокупното црковно и световно жариште на најсветото место во Македонија наречено Плаошник, кажа Василески.

„ВМРО ДПМНЕ не застанува тука и во доменот на културата во градот Охрид ќе спроведе и конзервација на фрескоживописот на црквите Св. Никола Болнички и Св. Богородица Болничка во Охрид каде што со овој проект ќе се добие соодветна заштита на спомениците на културата од 14 век. Но конзервација на фрескоживописот е предвиведна за една од најзначајните цркви во Охрид и Македонија црквата Св Софија. Фрескоживописот на црквата Св. Софија кој ќе се конзервира е од периодот од 11 до 14 век и токму тој е во агендата на сите домашни и странски посетители на градот Охрид.Има уште многу други проекти кој се во програмата на ВМРО ДПМНЕ од доменот на културното наследство и токму ваквиот пристап кон почитувањето на културното наследство и проекти кои водат кон пропагирање на македонската култура и историја несомнено претставуваат примарна тематика на програмите на ВМРО – ДПМНЕ“.