Утре започнува второ полугодие, охридските училишта подготвени

Денеска заврши зимскиот распуст и од утре 21ви јануари започнува второто полугодие од учебната 2015/2016 година за учениците од основните и средните училишта.

Распустот започна на 30ти декември 2015 година и годинава учениците имаа еден ден повеќе распуст поради престапната година. Од одделението за образование при локалната самоуправа информираат дека во охридските основни и средни училишта се е подготвено за започнување на новото полугодие. Училиштата во градот се снабдени со нафта за греење, а исто така и подрачните училишта во Лескоец, Куратица, Ливоишта, Трпејца, Елшани, Коњско и Далјан се снабдени со огревно дрво.

Без проблеми ќе се одвива и училишниот превоз, информираат од одделението за образование при локалната самоуправа.