Уставниот суд ги замрзна постапките за локалните плански документации

Уставниот суд започна процедура за преиспитување на Законот за просторно планирање, со кој локални комисии на барање на инвеститори, многу лесно добиваа маркици за зголемување на катноста на веќе постоечки објекти.

Советничката Верица Хајба на седница на Совет во месец септември предвиде или пак само им искоби на инвеститорите – се замрзнаа членските одредби врз основа на кои инвеститорите добиваа дозвола за градба по локална планска документација.

Токму тоа, постапките за локалните плански докумнетации Уставниот суд вчера времено ги стопира и такви ќе останат најверојатно два месеци.

„Се забранува донесување на поединечни акти и превземање на дејствија врз основа на четири законски одредби“, вели портпаролот на Уставниот суд Југослав Миленковски.  Со други зборови, сите започнати градби и доградби, со градежни дозволи добиени врз основа на локална планска документација треба да се стопираат.

Тој додава дека процедурата за носење на локални плански докумнетации е во спротивност на носењето на ДУП и дека Уставниот суд утврдил дека постојат два паралелни системи на донесување на плановите и поради тоа е доведена во прашање темелната вредност за хуманизација на простор и владеењето на правото.

„Одлуката на Уставниот суд стапува на сила штом излезе во Службен весник“, велат од локалната самоуправа.  До тогаш, за да постапиме според измените, мора да ги разгледаме членовите од законот за кои судот смета дека се спорни и кои треба да претрпат измени, додаваат од таму. Познавајќи го нашиот мнаталитет, најверојатно инвеститорите сега ќе ги засучат ракавите и ќе се обидат да сработат што повеќе од започнатото, обидувајќи се тоа да го изведат до излегувањето на одлуката на уставниот суд во службен весник.

Инаку за сите оние кои ќе ја прекршат одлуката на Уставниот суд по излегувањето на истата во Службен весник,  ќе следат санкции. Надлежностите остануваат какви што се, поточно локалните инспекциски служби треба да го контролираат мирувањето на инвеститорите за локалните градби, а државниот инспекторат за градбите на државно ниво.

За потсетување за нецела година, во градскиот совет изгласани беа дури 133 вакви документации.

{loadposition content9}