УЈП со бесплатна инфо-линија за промена на податоците на даночните обврзници

Брзо и едноставно, со телефонско јавување на бесплатна инфо линија 0800 33 000, секој граѓанин може да изврши промена на адресните податоци, телефонскиот број и е-пошта кои се водат во Регистарот на даночни обврзници на УЈП.

Заради осигурување на висок степен на безбедност и заштита на податоците, граѓаните можат да ја користат услугата со ПИНКОД, кој е задолжителен за идентификација и за промена на нивните адресни и контакт податоци во УЈП.

Точните адресни податоци и пријавување на истите од страна на граѓаните се важни заради навремено информирање и доставување на даночните акти на вистинската адреса од страна на УЈП, со што се избегнува настанување на долгови и пресметување на камати поради непријавени и неажурни адресни податоци.

{loadposition content9}