Која сака има можност доживотно да учи

Охриѓани заинтересирани за доживотно учење. Денес преставници од Националната агенција за европски образовни програми и мобилност одржа презентација на програмите Доживотно учење (Еразмус, Комениус, Грундвиг, Леонардо да Винчи и Студиски посети) и Млади во акција. Целта на информативниот ден е запознавање на потенцијалните корисници со можностите на програмата, начините за пријавување, како и со предвидените правила и рокови за аплицирање и размена на успешни приказни.

Постојано интересот кај граѓаните за овие програми расте.  Оваа година имаше 240 стипендисти, а од наредната година ќе има и повеќе затоа што од буџетот се издвоени 1.7 милиони евра за програмата за доживотно учење и 3.5 милиони евра за Млади во акција или двојно повеќе од лани, вели  Дарко Димитров -директорот на Националната агенција за европски образовни програми и мобилност.

 Секретарот на општината Димитар Спасески рече дека овие програми за општина Охрид се многу важни затоа што претставуваат децентрализирано образование. Спасески потенцира дека 2014 ќе биде година на максимално искористување на европските фондови кои ни стојат на располагање а кои досега не биле искористени.

{loadposition content9}