Турските бизнисмени расположени да инвестираат во Македонија

Турска компанија за производство на леплива амбалажа е заинтересирана да отвори фабрика во Охрид или Битола. По добиено зелено светло од владата, се вршат преговори и со претставници од банките во Македонија. Станува збор за инвестиција вредна 3 до 4 милиони евра, која би броела над 50 вработени.

Ова е само една од стотината турски компании чии претставници учествуваат на Македонско- турскиот бизнис форум кој започна денес во Охрид.

На отворањето, Премиерот Груески потенцира дека соработка помеѓу двете земји години наназад бележи раст и е присутна во различни сегменти од економијата.

„Високото ниво на односи меѓу Македонија и Турција во повеќе области се должи на извонредните политички релации кои не се оптоварени со ниту едно отворено прашање“ , истакна хади Незир, Министер во Владата на РМ.

Тенденција е трговската размена помеѓу двете земји од сегашните 330 милиони долари за неколку години да пораснат на најмалку милијарда долари, рече турскиот Министер за надворешна трговија и инвестиции, Зафер Чаглајан.

Инаку, Турција во Македонија досега има иневестирано 180 милиони долари. Целта е оваа бројка до 2011 година да достигне половина милјарда долари.

На  Македонско-турскиот бизнис форум, покрај стотината турски бизнисмени, учествуваат и  претставници од околу 200 македонски компании.

{loadposition content9}