Охрид го живее пикот на сезоната. Во хотелските капацитети и приватното сместување се бара место повеќе и поради атрактивните музички фестивали „Охрид колинг“ и „Гринбич“ и настани на најпрестижната културна манифестација во земјава „Охридско лето“ . Туристичките работници се надеваат дека доколку продолжи топлото време туристите во голем број ќе ги има цел август.
Летно лудило, традиционално за Илинденскиот викенд во Охрид се бара место повеќе. Фестивалите „Охрид колинг“ и „Гринбич“,атрактивните музички и настани на најпрестижната културна манифестација во земјава „Охридско лето“ , како и високите температури причина плус за потполно исполнетите хотелските капацитети и приватното сместување..
Генералната оценка на туристичките експерти е дека годинешната сезона е послаба во однос на лани, но деновиве во градот има задоволителен број туристи.
„Годинешната туристичка сезона што се однесува до бројот на туристи може да се каже дека е задоволителна се надевавме на поголем број туристи , меѓутоа она што пријатно не изненадува е на пример една прмена на профилот на гости кои што се присутни во градот и земјите од кои доаѓаат. Евидентно е мноштво на млади луѓе што е задоволително од земјите на Централна и Северна Европа. Имаме и мали групи на моторџии кои се вредни да се споменат, патници кои ги пренесуваат своите искуства во својата земја. Според профилот на гости ќе кажам е задоволително“, вели Михаил Мишев угостителски еснаф.
Туристите се задоволни од Охрид. Тие се вљубуваат во прекрасното езеро, културно историските споменици, црквите и гостопримливоста на домаќините.
-Јас сум од Русија но живеам во Германија, Тука сум се целото семејство, ќе останеме две недели затоа што на мојот сопруг фамилијата е тука. Трет пат сме во Охрид многу ми се допаѓа, особено езерото кое е прекрасно за децата.
-Јас сум од Јужноафриканската република , патувам низ Балканот и навистина сум изненадена колку е убава Вашата земја. Почнав со патување од Скопје, каде останав три ноќи, тоа е старо нов град но е прекрасен. Овде уживам во живописната природа, прекрасното езеро, вкусната храна и добри луѓе. Ова е еден убав одмор.
-Ние сме од Полска , пристигнавме пред неколку денови многу ми се допаѓаат и Скопје и Охрид. Ќе одиме и во НП Гличица да уживаме во прекрасните погледи. Убав е Охрид , особено Охридското езеро.Ние сме рупа пријатели.
-Дојдов вчера, многу е убаво може да најдеш место, иако има многу туристи.
-Убави плажи, убаво место. Многу ми се допаѓа овде.
Гужвите продолжуваат и во следните денови. Традиционално првите денови од август се резервирани за најспекуларните настани кои ја одбележуваат сезоната .На охридската сцена продолжуваат фестивали и концерти по охридските плажи и кафани. Во недела на Антички театар следи концертот на легендарниот гитарист Влатко Стефаноски.
Туристичките работници се надеваат дека туристите ќе останат и после продолжениот Илинденски викенд.
Ти Си Твојот Град
Ти Си Твојот Град