СВР Охрид: Физичко лице и авто-транспортна компанија од Охрид заработија кривични пријави

СВР Охрид поднесе кривична пријава против Ѓ.А.(61) од Охрид како и против авто-транспортна компанија од Охрид, поради постоење основи на сомнение за сторено кривично дело „непостапување според здравствените прописи за време на епидемија“.

При контрола на автобус извршена на 10.07.2020 година на магистралниот пат Охрид-Кичево, полициските службеници констатирале дека пријавениот Ѓ.А. вработен во правното лице, врши превоз на 44 патници со што, биле прекршени безбедносните протоколи и уредбата со законска сила за начинот на превоз на патници во внатрешниот сообраќај за превоз на најмногу 50 проценти патници од вкупниот број на седишта.