СВИКАНА ТРИЕСЕТ И ОСМАТА СЕДНИЦА НА СОВЕТОТ НА ОПШТИНА ОХРИД

Овој петок со почеток во 9:00 часот ќе се одржи 38 та седница на советот на Општина Охрид. Седницата ќе се одржи во зградата на Општина Охрид.

Градските избраници во петок ќе одлучуваат по Предлог – одлука за усвојување на динамички план за отстранување на бесправно изградени објекти – плажи но и за предлог годишната Програма за поставување на урбана опрема во општина Охрид за 2020 година.

На дневн ред на ова прво за оваа година издание на седницата на совет, ќе бидат и Предлог – одлуките за спроведување мерки за субвенционирање на трошоци за комунални услуги,за преместување на спомен-обележјето на Григор Прличев, предлог – измени и дополнувања на Развојната Програма за изработка на урбанистички планови на територијата на општина Охрид 2020-2022.

Ќе се одлучува за пренос на право на користење на неколку основни средства од Комуналец и Нискогадба, а треба да се даде согласност на одлуката за утврдување на максималниуот износ на вредност на бодот за пресметување на платите на давателите на јавни услуги и на директорот во ЈОУДГ „Јасна Ристеска” – Охрид.

Меѓу другите точки на ова издание на седницата на советот ќе се најдат и предлог одлуките одлука за именување членови во Управниот и надзорниот одбор на ЈП „Водовод“ Охрид.