Свикана педесет и првата седница на Советот на општина Охрид

Советниците треба да изгласаат измени на неколку програми од сферата на локалниот економски развој ,туризмот ,култура, спорт и рекреација, образование, детска заштита, заштита на животната средина, комуналната сфера за 2019 2021 год како и развојната програма за изградба на системи за водоснабдување и за изградба на системи за одведување и пречистување на отпадна вода, за изработка на урбанистички планови на територијата наопштина Охрид 2020 до 2022. Со што советниците ќе направат изменување и дополнување на општинскиот буџет за 2020 година.

Пред советниците ќе се најдат и одлуки за Изменување на годишниот план за вработување на општина Охрид за 2020 година и Иницијатива за изменување и дополнување на Статутот на општина Охрид.

На дневниот ред составен од 40 точки се наоѓаат и Предлог-Одлука за утврдување локации за поставување подземни контејнери на подрачјето на општина Охрид. Предлог-Одлука за усвојување на Локалниот еколошки акционен план за општина Охрид (2019-2025), за воспоставување меѓуопштинска соработка помеѓу општина Охрид и општина Ресен, за субвенционирање на ЈП„Охридски Комуналец“ – Охрид за набавка на половно специјално товарно возило – Кипер, Одлука за утврдување на тарифа за собирање и одведување на урбани отпадни води на ЈП ‘Нискоградба” за регулиран период 2021-2023 година. Советниците ќе ги разгледаат и усвојат и Годишните програми за работа на средните училишта за учебната за учебната 2019/2020 година.

Годишната програма за работа на ЈОУДГ„Јасна Ристеска“ – Охрид и Оотворениот граѓански университет „Кузман Шапкарев“ – Охрид за 2020/2021 година за учебната 2020/2021 година. Седницата ќе се одржи на 9ти ноември преку конференциска врска он лајн.