СВИКАНА ДВАЕСЕТ И ПРВАТА СЕДНИЦА НА СОВЕТОТ НА ОПШТИНА ОХРИД

За овој петок 28.12. свикиана дваесет и првата седница на Советот на општина Охрид. На дневниот ред на ова последното издание на седницата на Советот на Општина Охрид за оваа година, ќе се најдат 35 точки.

Градските советници ќе расправаат за утврдување на вредност на бодот за платите на државните службеници за 2019 година, извршување на буџетот на Општина Охрид за 2019 година, а планирано е да се расправа за усвојувањето на програмите за тековно работење на јавните претпријатија, како и за а утврдување на висината на комуналната такса за користење на просторот пред деловни простории за вршење дејност.

На ова последно издание на седницата на советот се најдоја и голем број предлог развојни програми, како онаа за поттикнување на развојот на туризмот на општина Охрид за 2019 година, за поддршка на локалниот економски развој на општина Охрид за 2019 година, па развојната програма за изградба на системи за водоснабдување за периодот од 2019 до 2021 година, развојна програма за уредување градежно земјиште за 2019-2021 година, како и развојната програма за изградба на системи за одведување и прочистување на отпадни води за 2019 – 2021 година.

На дневниот ред меѓу останатите точки , се најдоа и предлог програмите за изградба на сообраќајна сигнализација за 2019 година, за изградба и реконструкција на локални патишта и улици, за детска и социјална заштита, културни манифестации и творештво, одржување на јавна чистота, финансиските потреби на територијалната противпожарна единица Охрид, поддршка на локалниот економски развој и многу други.

Седницата ќе се одржи во зградата на Општина Охрид со почеток во 11 часот.