„Сите кон Свети Климент“

„Сите кон Свети Климент“. Вака е насловена свечената поворка која ќе се организира во очи големиот празник, патронот на Охрид-Св. Климент Охридски. Граѓани, преставници на локалната, преставници од советот и гости ќе бидат дел од процесијата која ќе започне на 7ми декември во 20 часот од градскиот плоштад. Со факели и свеќи во рацете поворката ќе се движи по стариот дел на градот се до црквата на Св. Климент на Плаошник. Таму ќе биде оддадена почит на светецот, заштитник на градот и ќе биде одржан говор.

Симболикатакако што е и самото име на анстанот е да сме сите сплотени и заедно да му оддадеме почит на заштитникот на градот. Сега како никогаш порано ни е потребно да бидеме сплотени и посветени на Охрид, рече Дејан Паноски- претседател на Комисијата за доделување награди и признанија.

Ова е само дел од настаните кои ќе се организираат по повод патрониот  празник на градов, а кои ќе започнат уште на 4ти декември. Голем број збиднувања ќе ги одбележат петте денови во кои ќе има настани и од спортски карактер како што ќе е одржувањето на крос, ќе настапат и училиштата и градинките со своја програма насловена како „децата за Св. Климент“, ќе бидат одржани неколку промоции на книги, изложби на родокрајни автори, изложби на фото клубови. Во празнувањето ќе учествуваат и училиштата кои го носат името на Св. Климент со своја програма и одбележување на патрониот празник, а на 8ми декември ќе биде свечената академија организирана од општината кога ќе бидат свечено доделени Св. Климентовата награда и повелбите.
Инаку, конкурсот за овие високи општински признанија заврши во петокот.

Пријавени се помалку од минатата година, но имињата ќе бидат познати на 1ви декември кога комисијата ќе заседава и ќе ги отвори пријавите, рече Паноски.

За потсетување, минатата година добитник на Свети климентовата наградата за животно дело беше Александар Леко Радиќ. Свети климентова повелба добија соло пеачката Миланка Новеска и фотографот Стојан Стојаноски.

{loadposition content9}