Судбината на веслачкиот клуб „Југ“ на дневен ред на денешната седница на Советот на Општина Охрид

Денес ќе се одржи седумдесетата седница на Советот на општина Охрид со почеток во 11,00 часот.

Помеѓу останатите точки од дневниот ред ќе се расправа и за предлог одлуката за учество на општина Охрид во реализација на летниот фудбалски камп „Барселона 2017“.

Судбината на веслачкиот клуб „Југ“, исто така ќе биде тема на дискусија па така советниците ќе расправаат по неколку основи и тоа преку точки кои се однесуваат како на Заклучок за усвојување на информацијата за состојбата, заедно со предложените план и мерки за продолжување на постоењето и активноста, така и по Предлог Одлуката за исплата на долгот на веслачкиот клуб „Југ“ по основ на правосилни извршни исправи.

Пред советниците ќе се најде и точка за усвојување на измените и дополнувањата на развојната програма за уредување на градежно земјиште за 2017 – 2019 година, а се очекува жестока расправа да се развие за измената на распоредот на средствата на Буџетот на општина Охрид за 2017 година, организирањето на режимот на сообраќај и отстапувањето на користење на паркинг простор од општина Охрид на ЈП„Билјанини извори“ Охрид.

Бројни точки ќе се однесуваат на урбанистичко планска документација со цел вклопување на бесправно изградени објекти во повеќе рурални средини.