СРЕДБА НА ГРАДОНАЧАЛНИКОТ КИРИЛ ПЕЦАКОВ СО АМЕРИКАНСКАТА АМБАСАДОРКА КЕЈТ МАРИ БРНЗ

Градоначалникот Кирил Пецаков, денес, оствари протоколарна средба со Амбасадорката на Соединетите Американски Држави, Н.Е. Кејт Мари Брнз.

На средбата се разговараше за веќе воспоставената добра меѓусебна соработка, но и за можностите за продлабочување на соработката. Во разговорот, амбасадорката ги пренесе искуствата од државата Вермонт во развојот на екотуризмот кои целосно може да се применат и во Охрид. Исто така, амбасадорката истакна дека постои можност и за соработка во областа на образованието со оваа држава, информираат од Локалната самоуправа.

Градоначалникот ја информираше амбасадорката за планот и динамиката во реализирањето на предвидените инфраструктурни и капитални проекти, како и за ставот за продолжување со работа во насока на зачувување на статусот на УНЕСКО. Амбасадорката Брнз ја истакна својата поддршка за заложбите за зачувување на универзалните вредности и јавното добро. Градоначалникот и амбасадорката разговараа и за актуелни локални теми како и за предизвиците во развојот на туризмот во пандемискиот период. Заеднички беше потенцирано дека во иднина меѓусебната соработка ќе се унапредува во повеќе области, откриваат од Кабинетот на Градоначалникот.

Инаку, ова е прва официјална средба помеѓу градоначалникот Кирил Пецаков и амбасадорката Кејт Мари Брнз.