СОСУ „СВ. КИРИЛ И МЕТОДИЈ“ ЌЕ БИДЕ ДОМАЌИН НА КАМПОТ НА ИНОВАЦИИ 2021

Џуниор Ачивмент Македонија ја прифати апликацијата на Средното Општинско Стручно Училиште „Св.Кирил и Методиј” да биде домаќин на Кампот на иновации 2021. Со тоа, училиштето доби можност за вмрежување и воспоставување соработка со други средни училишта од земјата и регионот, кои се дел од семејството на Џуниор Ачивмент. Исто така, доби признание за учество и организација на ваков тип активност и ќе биде промовирано на социјалните медуми на Џуниор Ачивмент Македонија.

Со учество на ваков тип активност, СОСУ „Св.Кирил и Методиј” директно влегува во изборот за награда за најпретприемничко училиште организирано на национално и европско ниво.

Тимови формирани од 40 ученици од прва до четврта година од двете струки од економското училиште, правна и трговска, како и здравствена струка се натпреваруваа овие два дена и со помош на волонтери од локалната бизнис заедница понудија интересни решенија на зададениот бизнис предизвик.

Во текот на натпреварот учениците ги зајакнуваа вештините за тимска работа, подготовка на бизнис план и негово презентирање пред жири комисијата. Програмата е поддржана со меморандум за соработка потпишан од Министерство за образование и наука, Центарот за стручно образование и обука и Бирото за развој на образованието.

Натпреварот е финансиски поддржан од страна на Агенцијата на САД за меѓународен развој (УСАИД), Фондот за иновации и технолошки развој, а се реализира од организацијата Џуниор Ачивмент Македонија – член на светската мрежа, основана 1919 г. денеска присутна во повеќе од 120 земји. Оваа мрежа ги спроведува програмите за претприемничко образование и финансиска писменост кои секоја година ги посетуваат повеќе од 10 милиони луѓе.