Сопствениците на менувачниците и златарите на средба со преставници од СВР

Васил Маркоски, сопственикот на менувачницата „Васко М“ која неодамна беше цел на крадци, денес заедно со остнатите сопственици на менувачници и на златари од Охрид, на заедничка средба со полицијата. Маркоски раскажа за неговиот случај кога во менувачницата на сред бел ден било извршено разбојништво, а неговата сопруга која се наоѓала на благајната била преплашена. За среќа тој навреме интервенирал па крадците избегале без плен.

Со полицијата соработката треба да биде на едно повисоко ниво и службениците да се поприсутни во чаршијата и тоа во униформи а не во цивилна овблека. Така ќе се создаде поголем страв кај крадците,а кај нас една поголема сигурност, рече Маркоски.

И златарите се согласија со оваа констатација, кажувајќи дека многу пати имале немили искуства . Дел од нив завршиле со кражби, а дел само со разбојништво.

И јас сметам дека полицијата треба да е поприсутна, вели Ристе Богданоски, вработен во златарата „Цоце“.

Стефан Димоски, портпаролот на СВР Охрид кажува дека радува фактот што бројот на тешки кражби во Охрид во 2015год бил намален и изнесувал 272.  За споредба во 2014 бројот на кражби бил за стотина поголем и изнесувал 373.

Генерално гледано безбедоносната ситуација во градов е добра. Но, секако има простор за уште поголема ангажираност на полицијата и поголема соработка со сопствениците на менувачниците и златарите, вели Димоски.

Инаку ваквите средби помеѓу СВР и сопствениците на менувачниците и златарите од градов се со цел изнаоѓање нови мерки и инструменти како тие би се спречиле. Тие се дел од проектот на СВР Охрид „Бизнисот и безбедноста“.