Се одложува „Крик за љубов“ поради тридневната жалост за жртвите во Тетово

Од НУ Центар за култура “Григор Прличев”-Охрид ја информираат јавноста дека театарската претстава „КРИК ЗА ЉУБОВ” – Жозиен Баласко во режија Љупчо Ѓоргиевски закажана за петок 10.09.2021 година се одложува, поради прогласена тридневна жалост во знак на почит кон жртвите од трагичниот пожар во модуларниот ковид центар во Тетово.

Претставата се презакажува за во ЧЕТВРТОК 16.09.2021 година, картите ќе важат или истите може да се заменат на билетара.