Бакрачески си поигрува со оние вработени во општинската зграда во Косел, обвинуваат од ОО на СДСМ

Од  СДСМ обвинуваат дека дел од вработените во општина Охрид незаконски, непрофесионално и сосема непотребно веќе 9 месеци се преместени да работат во село Косел. Од таму велат дека ветувањaтa дадени пред неколку месеци од страна на градоначалникот дека целата општинска администрација ќе се ротира и по неколку месеци ќе работи во Косел се само празни ветувања.

Општинската организација на СДСМ денес одржа прес конференција во врска со вработените во општина Охрид кои според нив незаконски, непрофесионално и сосема непотребно веќе 9 месеци се преместени да работат во село Косел. Од  СДСМ обвинуваат дека таму нема никакви услови за работа, ниту пак луѓето имаат контретни работни задачи, а за патувањето до новото работно место во Косел, не им биле покриени ни патни трошоци.

–Поради ваквото поигрување од општинската власт и градоначалникот Никола Бакрачески, овие вработени секојдневно трпат малтретирања и понижувања од страна на општинската администрација. Од општина Охрид во Косел се префрлени стручни работници, од одделението за соработка со меѓународни организации, одделението за збратимени градови, екологија и неколку возачи, вели Александар Кузески-портпаролот на ОО на СДСМ.

Оправдувањата од градоначалникот Бакрачески и власта на ВМРО-ДПМНЕ за префрлувањата на административците во Косел поради наводни средби со граѓани, за општинската СДСМ се смешни и неоправдани бидејќи до сега не била одржана ниту една таква средба, тврдат од таму. Тие го обвинуваат градоначалникот дека ветувањaтa дадени пред неколку месеци дека целата општинска администрација ќе сев ротира и по неколку месеци ќе работи во Косел се само празни ветувања.

–Факт е дека од почетокот до денес нема ротација на вработените, очигледно тие што се пуштени во Косел се со некоја намера. Овој проект е тотално неуспешен, вели Кузески.

Кузески го пренесе апелот на СДСМ до власта на ВМРО-ДПМНЕ и градоначалникот веднаш да прекинат да ги малтретираат општинските работници во општина Охрид.

{loadposition content9}