Сашо Јанковски со визија за промена на Општина Вевчани

Сашо Јанковски кандидатот за градоначалник на Општина Вевчани од Коалицијата Сојуз за иднината, посочи дека во оваа изборна кампања, настапиле со програма и проекти во кои се содржани ставовите и мислењата на вевчанци.

„Во оваа предизборна кампања,  ние настапивме како што му личи на вевчанскиот народ, достоинствено, храбро и принципиелно“ истакна Сашо Јанковски кандидатот за градоначалник на Општина Вевчани од Коалицијата Сојуз за иднината. Тој на денешното негово завршно обраќање објасни дека програмата и проектите кои се во неа содржани  во себе пред се ги содржи ставовите и мислењата и потребите на вевчанци. Додаде дека гласот даден за него ќе имал двојно значење, ќе биде можност за промена на локалната власт и во исто време за одземање на легитимитетот на централната власт.

„Јас и мојот тим заедно со мојата програма ви нудиме визија за промена на нашата општина, но имајте на ум дека ниту една промена на локално ниво не е доволна ако не се промени централната власт и курсот по кој се движи државата. Почитувани сограѓани, на 24-ти март искористет ја приликата, ве повикувам, масовно да излезете на гласачките места и заедно да победме два пати.Да победиме за нашата општина Вевчани и за цела Македонија“ посочи во своето обраќање, кандидатот  за градоначалник на Општина Вевчани од Коалицијата Сојуз за иднината, Сашо Јанковски.

{loadposition content9}