„Рибарите“ ќе играат со Беса, Воска Спорт со Гостивар на стартот на сезоната

Објавен е распоредот на натпреварите за есенскиот дел од Втората македонска фудбалска лига-Запад за сезона 2021/2022. Прв противник на ГФК Охрид Лихнидос ќе биде Беса на теренот на СРЦ Билјанини Извори, додека Воска Спорт првиот натпревар од новата сезона го игра на гости кај Гостивар.

Градското дерби помеѓу Охрид Лихнидос и Воска Спорт е закажано за 23 октомври со почеток од 14 часот, во осмата рунда.