Раскопани улици и кал до колена

Состојбата со раскопаните улици во Велгошти е од лоша полоша, реагираат мештаните. Тие се загрижени поради неодговорниот пристап на надлежните, кои три години со малиот прст не мрднале да го санираат патот, кој тие го раскопале за поставување на канализација. Велат, „со поставувањето на канализацијата повеќе ни се направи зијан отколку ќар“.

„Неможиме да поминиме, вртиме правиме по неколку кимолометри, заобиколница правиме за да стигниме до дома овде нема услови за врвење.
Овде поминуваат и туристи и се ова го гледаат бидејќи често ги посетуваат црквите“. Други пак велат.

„Ги искршивме колите, не се врвит од овде, зошто и како е оставена ова работа, народот вели ако е од Бога простено е, но ако е од луѓе да си го најдат домаму“

Го повикуваме градоначалникот на општина Охрид да дојде во Велгошти и сам да се увери со каков сериозен проблем се соочуваме, вели Зоран Крагуевски од Велгошти.

„Се работи за ископите на главните мрежи, останаа не асфалтирани, тампоните пропаднаа и ние што поминуваме имаме тешки проблеми, зима кал, лето прашина. Апелираме од целото Велгошти до градоначалникот како менаџер да излези во пресрет, да не разбере и да преземе сериозни чекори за дозавршување на проектот. Крајно време е ова да се заврши“-вели Крагуевски.

Велгошти брои околу 3 000 жители. Сите тие ја поддржуваат граѓанската иницијатива и бараат асфалтирање на сите улици, поточно на местата каде што е изградена канализационата мрежа. Во четири наврати од страна на советниците било покренато ова прашање, се ветувале одредени рокови од страна на Локалната, но досега ништо од тоа, само лаги, вели Крагуевски. Единствено од страна на Фондот за комунален развој, пред два месеци, како одговор на нивна реакција за истата проблематика, им кажале да се стрпат, да налегне тампонот кој е поставен пред три години. Па сега, јавноста нека процени за каква одговорност станува збор, додава Крагуевски.

{loadposition content9}