Работилници за основци од Охрид и Ресен под наслов „Чудесниот свет на безрбетниците“ по повод 63 години од постоењето на Национален Парк Галичица.
По повод 63 години од постоењето на Национален Парк Галичица националната установа спроведува едукативни работилници со ученици од основните училишта од Охрид и Ресен.
Во изминативе два дена беа одржани две работилници под наслов „Чудесниот свет на безрбетниците“. На работилниците присуствуваа ученици од ОУ „Григор Прличев” Охрид и ОУ „Браќа Миладиновци“ од Царев Двор, Ресен, а беа реализирани во Инфо центар Охрид и Инфо центар Стење.
Младите биолози имаа можност да се запознаат со разни видови на безрбетници кои живеат на копно и во вода, да научат за нивната градба, животен циклус и начин на живот. Децата учеа за начинот на нивно колекционирање, а исто така ги набљудуваа и нивните карактеристики со помош на бинокулар.
Учениците дадоа оцена 10 плус што на наша огромна радост знаеме дека ова нема да ни биде наша последна дружба – велат од Националниот парк Галичица.
Оттаму најавуваат дека вакви работилници ќе се одржуваат и во иднина.
Ти Си Твојот Град
Ти Си Твојот Град