Првенство во риболов на глуви и наглуви лца

Здружението на глуви и наглуви лица од Охрид, викендов, на каналот Студенчишта  го одржа четвртото Општинско отворено првенство, во дисциплината лов на риба со јадица на пливка, во конкуренција на сениорки и сениори.

Во конкуренција на сениорки најмногу риба улови  Гордана Илиеска која го освои првото место, a среброто и припадна на  Сузана Стевоска.
Во конкуренција на сениори, по четврти  пат првото место го освои Стојан Мишев,  второто место го освои Борче  Стевоски, а третото му припадна на Муштеба Шабан.

На првенството зедоа учество  околу 15 натпреварувачи, кои ловеа плашица и грунец, информираат од Спортското  риболовно друштво  „Св. Апостол Петар“.

{loadposition content9}