Повторно во советот ќе се кршат копја околу изградбата на малото пристаниште

Предлог Одлуката за започнување на постапка за доделување на договор за јавно приватно партнерство за изградба и управување на малото пристаниште преку изградба на марина и туристичко угостителски објект, е првата точка на дневен ред за која ќе расправаат охридските избраници во советот, на 45-та седница која ќе се одржи во среда, 14- ти октомври.

На дневниот ред на оваа седница исто така советниците ќе решаваат и за  предлог одлуката за давање на користење училишен простор на дневен центар за деца со аутизам и дневен центар за деца со попреченост, донесувањето на буџетскиот календар , утврдувањето на Нацрт детален урбанистички план за дел од Велестово, како и над 20 точки кои се однесуваат на донесување урбанистичко планска документација со цел вклопување на бесправно изградени објекти во општина Охрид.