Основниот суд во Охрид на листата на неефикасните судови во Македонија

Основниот суд во Охрид се најде на листата неефикасни судови во Македонија, соопшти претседателката на Врховниот суд на Република Македонија Лидија Неделкова, повикувајќи се на Извештајот за работата на судовите од 2013 година.

– Можам да констатирам, од извештајот што е составен, дека судовите во текот на 2013 година се ефикасни и ажурни и постигнале висок квалитет, освен три суда. Тоа се Вишиот Управен суд, Основниот суд во Охрид и Основниот суд во Штип, истакна Неделкова.

Неефикасноста на овие три суда, според неа, се израз на влез на предмети во судовите при крајот на годината, односно во месец декември.

Извештаите за работата на судовите во Македонија ги разгледуваат членовите на Врховниот суд на Република Македонија денеска и утре на проширена општа седница.

{loadposition content9}