Општина Охрид со поддршка на кампањата против насилство врз жените

Градоначалникот Кирил Пецаков на неговата официјална фејсбук страна соопшти дека Општина Охрид ќе ја поддржи кампањата против насилство врз жените.

Обој го светот портокалово: КРАЈ НА НАСИЛСТВОТО ВРЗ ЖЕНИТЕ СЕГА! Кампања 16 дена активизам против насилството врз жените и девојчињата која започнува денес, 25 Ноември – Меѓународниот ден на елиминација на насилството врз жените, а трае до 10 Декември – Денот на човековите права. Зградата на Општина Охрид симболично има да биде осветлена во портокалова боја со цел симболизирање посветла иднина во која нема место за насилство – вели градоначалникот Кирил Пецаков.