ОПШТИНА ОХРИД ДОБИ НОВ ЕВРОПСКИ ГРАНТ ЗА ЕВРОПСКИ ПАРТНЕРСКИ ПРОЕКТ ЗА ДИГИТАЛИЗАЦИЈА НА КУЛТУРНОТО НАСЛЕДСТВО

Општина Охрид доби нов европски грант од првиот повик на Програмата на Европската Унија- Interreg Balkan- Mediterranean  2014-2020 во висина од 169.000 евра за европскиот партнерски проект Inter Regional Cultural  Heritage Management e- System (IRC- HERMES).  

Проектот е одобрен после три фази на евалуација и строга селекција.

Главна цел на Проектот IRC- HERMES е дигитализација на културното наследство  и ќе се реализира во  места на УНЕСКО од повеќе балкански држави и тоа: Охрид Македонија,  Крф Грција, Самос Грција и Ѓирокастра Албанија. Покрај документирањето и дигитализацијата, овој проект ќе опфати и заштита и промоција на културното наследство.

Водечки партнер на одобрениот проект е Универзитетот за технологија од Кипар, а покрај Општина Охрид, Општина Крф, Општина Самос, Општина Ѓирокастра, проектни партнери се и Истражувачкиот и иновативниот Центар од Атина и Организација за животна средина и култура од Грција.

Проектот го аплицираше и ќе го реализира  Секторот за туризам и локален економски развој од Општина Охрид.