Охриѓани ќе зимуваат без оглед на светската економска криза

Охриѓаните со подлабок џеб кои наумиле да се одморат за време на новогодишните  празници,  ќе патуваат  надвор од земјава, без оглед на светската економска криза  велат туристичките работници.

Елида Битракова од ТА „Елида – Турс“ вели во нашата држава нема алармантни податоци за таквата ситуација, но кај граѓаните се всадува еден психолошки момент за штедење, што не е во наш интерес. Но, оние кои имаат намера  да се одморат и да ги поминат новогодишните празници ќе го реализираат тоа.“

Како дестинаци во блиското соседство се  нудат Дубровник, Сараево, Црно Горското крајбрежје. Охриѓани може да изберат зимување и во  атрактивниот комплекс Банско, Бугарија, но и во домашните зимски одморалишта. Сепак резервациите се прават во последен момент затоа што нашиот менталитет и карактерот на луѓето е да одлучуваат во последен момент додава  Елида Битракова.

Покрај блиските туристички дестинации се нудат и егзотични места. За Новогодишните празници и зимскиот одмор се нудат и познатите египетски туристички  одморалишта. Туристичките работници  потенцираат дека голем е интересот за одмор и во Охрид. Најголем интерес покажале  Србите, посебно Белграѓани. Бараат сместување во приватниот сектор вели Битракова.

{loadposition content9}