„Охрид трчаТ“ дел од сплитскиот маратон

Најголемата спортска манифестација во нашиот град, „Охрид трчаТ“, ќе биде дел од 19то издание на сплитскиот маратон.

 „Охрид трчаТ“, својата богата програма ќе ја претстави на експото пред целата тркачка елита, на детските и штафетните трки и на главниот настан кој ќе се одржи в недела на 23 февруари. Маратонот во Сплит се одржува од 2001 година.  На маратонот ќе учествуваат најдобрите тркачи и на стартната линија се очекува да се појават околу 15 000 вљубеници во трчањето. Четвртото издание на „Охрид трчаТ“ оваа година ќе биде збогатено со полумаратон. Со овој потег и со презентацијата во Сплит, организаторите направија голем чекор напред кон приклучувањето на големите градови со полумаратон.