Охрид, модерен и функционален град

Кандидатот за градоначалник од НСДП Ацо Попоски, продлжува со промовирањето  на новите проекти за изградба на модерен и функционален град.

„Охрид не смее да биде град со големо име и сиромаши граѓани. Потребни се проекти кои ќе отвраат нови работни места за граѓаните “- изјави на денешната пресконференсија кандидатот за градоначалник Ацо Попоски.

Поврзувањето на градот со автопатот Гостивар – Скопје треба да биде приоритет. Патиштата се главните артерии и низ кои минуваат сите посетители.

„Ниту еден владин функционер неможе да зборува дека Охрид им е приоритет а градот нема автопат. Во Охрид не се оди само со хеликоптер“ -додава Попоски.

Бидејќи впечатокот за градот се добива уште при самото влегување во него, во програмата на кандидатот за градоначалник се предвидува изградбата на добро организирана автобуска станица. За по голема прегледност во автобуската станица се планира да има информативен центар со податоци за хотелските и приватните сместувачки капацитети.
Сето тоа е со цел да се запази брендот ОХРИД.

Со постојаното и непланско градење се доведува во опасност ликот на градот кој се повеќе започнува да личи на останатите градови во Македонија .
Ако не успееме да ги споиме модерното и старото Охрид ќе ја изгуби својата душа.  Истакна на крајот од денешната прес конференција  Ружди Муфти.

{loadposition content9}