Охрид домаќин на ракометниот Куп во Македонија

РК од „Охрид 2013“ годинава ја испишува својата историја во ракометот. Тие за прв пат учествуваат на турнир од висок ранг, односно обезбедија пласман меѓу четирите најдобри екипи, кои ќе се борат за трофејот во купот . Нашиот град по втор пат е домаќин на фајнал фор турнирот во ракомет во Македонија.

„Учесниците ни се познати, покрај Охрид, учествуваат гигантот Вардат, металург и Вардар Јуниор. Натпреварите се одигруваат во петок во 17 и 30 е средбата помеѓу Металург и Вардар Јуниор а во 20 часот ќе се одигра второто полуфинале помеѓу Вардар и Охрид 2013, додека во сабота во 17 и 30 е финалето, на кое што ќе настапат победниците од двете полуфиналиња“ – најави Апостолов.

За тоа што значи да се донесе еден ваков настан во Охрид, својот став го изнесе првиот човек на ЈП „Билјанини Извори“, Ристе Мишев.

„Сакам да изразам голема благодарност до Ракометната Федерација на Македонија што ги одбра Охрид и СРЦ „Билјанини Извори“ по втор пат за три години да бидеме доамаќини на завршницата во Купот на Македонија во ракомет. Интензивната комуникација со РФМ и останатите спортски федерации во Македонија вродија со плод, полека но сигурно, Охрид прерасна во центар каде што се одржуваат спортски настани од поголем калибар“ – вели Мишев.

За прв пат во историјата на клубот стигнавме да игрме меѓу четирите најдобри екипи, вели тренерот на клубот Охрид 2013 Горан Андоновски.

„Екипата, раководството и играчите потполно го заслуживме со игрите во првенството и во купот. Имавме мала несреќа што го извлековме најтешкиот противник Вардар, но ќе се обидеме да го дадеме нашиот максимум и да пружиме отпор. Како што знаете Вардар е клуб со повеќе милионски буџет, составен исклучиво од репрезентативци на Шпанија, Хрватска, Словенија, Србија но дечките во изминатите два натпревари со вардар изиграа еден добар натпревар на двата меча“.

Андоновски информираше дека Иван Тасески после повредата се враќа во клубот, додека пак за натпреварот со Вардар во полуфиналето, неизвесни се бекот Иван Стојановиќ и десното крило Малик Хогас. Инаку, организаторот, раководството и играчите на РК „Охрид 2013“ очекуваат голема поддршка од публиката. Во таа насока и цената на влезница за полуфиналните натпревари изнесува симболични 50 денари, додека пак билетот за финале ќе чини 100 денари. Истите ќе се продаваат на билетарницата на влезот на СРЦ „Билјанини Извори“.