Продолжен рокот на огласот за субвенционирање на комуналните трошоци

Продолжен рокот на огласот за субвенционирање на комуналните трошоци. Причина за тоа е зголемениот интерес на граѓаните на општина Охрид кои своите барањата можат да ги поднесат заклучно со 05.12.2014 година. Вкупниот износ на субвенцијата изнесува 600 денари месечно за секој корисник и ќе биде составена од четири компоненти: покривање на трошоците за потрошена вода за пиење до 250 денари, покривање на трошоците за одведување на отпад до 150 денари, покривање на трошоците за одведување на отпадни и атмосферски води до 150 денари и покривање на трошоците за плаќање на гробна такса – гробарина до 50 денари за секој корисник на услугата.

Рокот е продолжен токму поради интересот на граѓаните кои имаат основа да бидат субвенционирани а ги немаа докомплетирано сите документи, вели Томе Џамтоски, портпаролот на Локалната самоуправа.

Барателот на субвенција мора да е корисник на социјална помош, корисник на постојана парична помош или невработен подолго од 12 месеци. Доколку корисникот е во брак, тогаш неговиот брачен другар да е невработен. Исто така право на субвенционирање имаат и лица кои имаат најмалку 70% степен на инвалидитет или тешка болест, односно нивниот брачен другар или челен на семејството е со инвалидитет од најмалку 70% или има тешка болест. Досега 226 семејства имаат поднесено барања за субвенционирање. Оваа бројка покажува дека охриѓани имат се помалку пари за покривање на основните т-ци за живот.

Имаме за жал поголема група граѓани кои тешко излегуваат на крај со основните т-ци за живот. Но локалната прави напори за подобар локален економски развој и за отварање нови работни места како би се подобрила економската ситуација на граѓаните, вели Џамтоски.

Инаку, подносителите на барањето за субвенционирање треба да се државјани на Република Македонија и да се жители на општина Охрид.

{loadposition content9}