ОЕМУЦ добива современ спортски центар

Деновиве во рамки на средното училиште „Св. Наум Охридски“ се одвиваат повеќе градежни активности. Спортското игралиште целосно се реконструира, се поставува нова подлога, ракометни стативи, кошеви за баскет и мрежи за одбојка. Денес, градежни екипи вршат тампонирање на игралиштето, додека од утре започнува оградувањето и поставување на заштитната мрежа.

Игралиштето заедно со новата училишна спортска сала формираат еден спортски центар опремен и погоден за сите временски услови, за активности на учениците на отворено и во затворен простор.

Исто така, денеска во училиштето се одвиваат активности за уредување на платото. Екипи на ЈП „Градски Гробишта“ го тампонираат и поставуваат бехатон плочки, а деновиве се очекува да започне и асфалтирањето на предвидениот паркинг простор.