Одложен судскиот претрес против двајцата обвинети за педофилија

Одложен повторениот претрес за преметот на педофилија кој се случи минатата година во Охрид. Причина, неизготвеното вештачење од релевантниот институт во Скопје како и поради неприсуство на прво обвинетиот кој се наоѓа на неуропсихијатрискo набљудување. После изречената првостепена пресуда од страна на Основниот суд во Охрид,10 години затвор за кумановчанецот Далибор Јакимовски и 3 год и 6 месеци за струмичанецот Горанчо Ѓорѓиев, на барање на бранителите на обвинетите, предметот беше обжален. Како што ТВМ минатата година информираше, прво овинетиот Далибор се терети за полов напад врз малолетно лице кое не наполнило 14 год и второ обвинетиот Горанчо за подведување и овозможување полови дејствија, како и прикажување на порнографски материјал на малолетни лица. Бранителот на обвинетиот Далибор, Ѓоко Шаин, вели дека од страна на Апелациониот суд во Битола уважени биле нивните жалби. Додава дека пресудата е укината и предметот е вратен на повторно судење во Основниот суд во Охрид со поголем број напатствија на кои укажува Апелациониот суд во Битола.  Додека пак адвокатот на оштетените малолетници, Славица Десановска, на следниот претрес кој е закажан на 6 ти декември, очекува, судот уште еднаш детално да ги разгледа и земе во предвид сите досегашни изјави и на двете страни , вештачења и докази, па дури и зголемување на казната, доколку точно се потврди стореното дело.

{loadposition content9}