Одбележан денот на водата

Во просториите на MЈП ПРОАКВА  се одбележа денот на водата. Директорот на јавното претпријатие, Бранислав Трпчески, упати благодарност до учениците од основните училишта во градот, кои со своите творби учествуваа во одбележувањето на овој празник. Целта на собирот е да се едуцираат младите за значењето на водата во секјдневниот живот и нејзиното рационално користење.

Преку ликовниот конкурс на тема „ Водата без граници го поврзува светот“, основците имаа можност на креативен начин да упатат порака за важноста на водата.

Експертите се почесто укажуваат на фактот, дека водата за пиење се помалку ја има и на потребата од нејзиното штедење. Од Јавното претпријатие ПРОАКВА, исто така укажуваат дека богаството кое Охрид го има во водни ресурси треба рационално да се користи.

Во светот, секојдневно огромен број луѓе се соочуваат со недостатокот од вода за пиење, а човекот со неговите постапки е главниот фактор за намалувањето на оваа драгоцена течност.

{loadposition content9}