Објавен јавниот повик за пријавување на кандидати за добивање сертификат за такси возачи

Општина Охрид го објави јавниот повик за добивање сертификати за авто такси возачи. За да може истите да полагаат испит за добивање на сертификатот, најпрво ќе треба да поминат обука за авто такси возачи и за тоа да добијат потврда од правното лице овластено за вршење на вакви обуки.

Сите лица кои имаат ваква потврда и возачка дозвола за Б категорија, може да се пријават на некој од испитите кои ги организира општината за добивање на сертификатот. Кандидатите, за да се пријават за испитот, треба да поднесат пријава до Архивата на општина Охрид која може да се подигне од таму или да се преземе од веб страната на општината www.ohrid.gov.mk, а заедно со пријавата да имаат и копија од лична карта и копија од возачката дозвола. Испитите за овие сертификати ќе се одржуваат во текот на точно одредени датуми и тоа:
 
во текот на Април 2015 на (7, 14, 21, 28)

Мај 2015 на (5, 12, 19, 26)

и Јуни 2015 на (2, 9, 16, 23, 30), секогаш во 17 часот во Големата сала на општина Охрид.

Кандидатите за овие испити треба да се пријават најдоцна два дена пред закажаниот термин за одржување на испит.

{loadposition content9}