Нови прашања до кандидатот за градоначалник од СДСМ, Петрески

Дo кандидатот за градоначалник на СДСМ, Александар Петрески и денес пристигнаа прашања од ОК на Вмро Дпмне.

Прашуваат зошто  е непримерено да го потсетуваат на неговата изборна  програма од пред 4 години, насловена како „Секој ден се поблиску до целта“, кога тој истакнува дека остварил повеќе од тоа што ветил.

Портпаролот ОК Вмро ДПМНЕ, Јованчо Секулоски праша што е со ветувањата за воведување на ИСО стандард  за квалитет на услугите  на локалната администрација  и  транспарентност  во работењето на локалната самоуправа, што е со обновата на локалниот весник „Езерски глас“, и финансиската подршка за  збогатување на медиумскиот простор со локални печатени медиуми,каде е  подршката на институционалната рамноправност на Египќаните.

Петрески не направи ништо капитално за Охрид, туку тој преку општината гледа да ги задоволи само личните  интереси ,свои, и на малечка група, таканаречени „инвеститори“ рече портпаролот на ОК ВМРО ДПМНЕ, Секулоски. Повикуваат да каже зошто и како  Петрески делумно го раздолжил долгот  само кон Гранит, а ги зголемил долговите на Охрид по многу  други основи.   
Секулоски на прес конференцијата  кажа дека Охрид не смее да биде воден од човекот кој со својот збор и однесување насекаде го срами Охрид, а охриѓани нема повеќе да се идентификуваат со вакви луѓе.

{loadposition content9}