Нови максимални цени на горивата

Регулаторната комисија за енергетика и водни услуги, денеска ги одреди новите максимални цени на горивата.

Безините ќе бидат поскапи за 1,5 денари за литар, а дизелот поскапува за 2 денари за литар. Со тоа новата цена на ЕУРОСУПЕР БС 95 ќе изнесува 81 денари за литар, а ЕУРОСУПЕР БС 98 ќе се продава за 83 денари за литар. Новата цена на ЕУРОДИЗЕЛ ќе биде 73,5 ден/лит, а малопродажната цена на екстра лесното масло за домаќинство изнесува 73 ден/лит.

Малопродажната цена на Мазутот се зголемува за 1,815 денар/килограм и ќе изнесува 46,537 ден/кг.