Нова водоводна линија во стариот дел од Охрид

Ќе се реши проблемот со водоснабдуавњето во стариот дел од градот. Од понеделник службите на МЈП Проаква ќе започнат со поставување на водоводна линија на опфатот од Горна Порта до улицата Нада Филева.  
Имено, години наназад, преку лето, во овој дел од градот, притисокот на водата или е многу мал, или неа воопшто ја нема. „ Особено е тешко во јули и август, кога нашите гости и ние не можеме да се истушираме“, велат жителите од овој дел од Охрид.

Зафатот за поставување на водоводната линија се очекува да трае две недели.

„При извршувањето на инфраструктурните зафати ќе се внимава и да не се уништи каменот со кој се поплочени улиците во стариот дел од градот“, објаснува влатко Иваноски од МЈП Проаква.

Со овој зафат се очекува во целост да се реши проблемот со водоснабдувањето во Варош и Месокастро, кој некогаш беше честа појава и во останатите делови од стариот дел на градот.
По завршување на летната сезона во план е изведување на сличен ваков зафат на улицата 11 октомври.     

{loadposition content9}