Се одбројува до отворањето на новиот дел од охридската болница

Се одбројува до отворањето на новиот дел од охридската болница. По се изгледа охриѓни на денот на нивниот патрон, 8-ми декември ќе бидат сведоци на свеченото отварање на долгоочкуваната здравствена установа. Портрпаролот на болницата, Д-р Сашо Василевски вели дека се на добар пат да го исполнат ветеното бидејќи привршуваат надворешните зафати на болничкиот објект, а започнато е и внатрешното уредување. Деновиве се инсталира најсовремена електронска инсталација, а болницата според планот ќе функционира како еден мини робот, објаснува д-р Василевски. Таа се прави по највисоки европски стандарди по теркот на болницата во Базел.
На првиот кат од новиот оддел ќе биде сместено хируршкото одделение, на горниот се гинекологија, уво грло и нос, а одделението за неонатологија ќе биде сместено во еден нов простор од 900 м2. Анестезиологија и 5те хируршки сали ќе се наоѓаат на третиот кат. Општата болница пред шест месеци стана регионална болница каде ќе се лекуваат пациенти од  Струга, Дебар,Кичево, Мак брод и Демир Хисар. Со тоа, вели Василевски, се зголемува потребата од нов кадар. Во минатите 15 години воопшто не е работено на кадровското екипирање.
Василевски објаснува дека во догледно време кога ќе се отвори новиот болнички дел се планира да се примат 15тина нови лекари, 6-7 специјалисти и 15 до 20 медицински сестри. Тој додава дека новиот простор, современата апаратура ќе бара и соодветен кадар како би се постигнале врвни резултати во охридското здравство.

{loadposition content9}