Незадоволство кај вработените во МЈП Проаква

Директорот Бранко Трпчески објаснува дека ваквата состојба е резултат на воведувањто на Законот за бруто плата. Решението го гледа во делењето на ова меѓуопштинско претпријатие.

Својот револт вработените го искажаа излегувајќи пред дирекцијата на претпријатието.
Истовремено, во дирекцијата во Струга се одржуваше состанок на Управниот одбор, со цел да се изнајде соодветно решение. За исходот од состанокот, насобраните вработени ги информира претседателот на синдикатот. Тоа очигледно не ги задоволи нивните очекувања- новите информации беа дочекани со негодување.

Директорот на МЈП Проаква, Бранко Трпчески, за денешните случувања вели дека биле очекувани. Причините ги гледа во реализацијата на Законот за бруто плати, според кој секој правен субјект е должен во целост да ги исплати бруто платите- во овој случај и за охридскиот и за струшкиот дел од претпријатието.

Тоа што не се обезбедени средства за плати на вработените во струшкиот дел од претпријатието,  Трпчески го наведува фактот што години наназад поголемиот број жители на општина Струга не ги подмируваат своите обврски кон ова претпријатие.
Според првиот човек на МЈП Проаква, најсоодветно решение е конечна реализација на веќе започнатата делба на меѓуопштинското претпријатие.
 
Вработените најавија дека доколку не им бидат исплатени заостанатите плати, ќе го активираат уредно најавениот штрајк.

{loadposition content9}