Несовесни граѓани фрлиле градежен шут на археолошки локалитет Горна Порта

Археолошкиот локалитет  Горна Порта  затрупан во  градежен шут. Несовесни граѓани деновиве  расфрлале тули и земја  на местото каде во минатото е пронајден еден од највредните археолошки артефакти во земјава.
Просторот е обраснат со трње, а се користи и како паркинг за локалното  население. Во  моментов нема археолошки истражувања,  но локалитетот е незаштитен.
„Овој археолошки локалитет служи како паркинг и како депонија за локалното население. Државата не води никаква грижа се е оставено така. Ова се случува со сите археолошки локатитети во Охрид и Плаошник, максимално се девастира“, вели Никола Паскали археолог.
На овој локалитет беше пронајдена златната маска, златна ракавица, сребрени предмети , килибар со непроцелива културна вредност.
„Ние веќе не го заслужуваме ова. Треба да се разбереме дека ова не е само наше туку на цел свет ние потрфливме како општество и како држава. Наша должност беше да ги презентриаме и чиваме ние го направивме обратното ги уништивме.Во најновиот извештај од 200 страни  јас покренав една кампања една слика 200 страници и може да видите охридските сокаци повеќе ги нема, старата калдрма  се покрива со камен од Поградец . Страшно!“, вели  Паскали.
Директорката на НУ Завод за заштита на спомениците и Музеј – Охрид, Даниела Недељковиќ за ТВМ  појаснува дека градежниот шут одложен  од страна на несовесни граѓани  е на локација која е приватен имот и тие се немоќни да реагираат. Археолошкиот локалитет е соодветно заштитен, тврдат од музејот, а во 2021 ќе продолжат и археолошките истражувања на истиот.