Наум Вељаноски ново засилување на Воска Спорт

Воска Спорт деновиве со забрзано темпо ги претставува новите фудбалери со кои ќе се бори за влез во Првата македонска фудбалска лига.

Најновото засилување е капитенот на ГФК Охрид Лихнидос, 28 годишниот Наум Вељаноски.

-Благодарност до клубот за соработката во изминатите две и пол години, до соиграчите, особено до навивачката група “РИБАРИ” и поддржувачите на ГФК ОХРИД. Со крената глава се збогувам од ГФК ОХРИД, се гледаме во некои подобри времиња. Време е за нов предизвик во мојата фудбалска кариера.-напиша Вељаноски на неговиот фејсбук профил.

Вељаноски беше одбран во идеалниот тим на МАК ФУДБАЛ за сезоната во двете Втори лиги. Одличниот фудбалер кој игра на левата и десната бековска позиција имаше мастрален учинок и придонес за влезот во баражот и дуелот со Ренова, за учество во Првата лига. 

Претходно има настапувано за Македонија ЃП, Еуромилк, Борец, Гостивар, Младост Царев Двор, Новаци и Струга Трим Лум. Неговите почетоци со фудбалот се од 13-годишна возраст.