Најнов „инвестиционен зафат“ на ЕВН?

Проблемот со заштитата на овој електричен објект, трае веќе неколку години иако жителите од оваа населба, информираат дека во неколку наврати реагирале до ЕВН Македонија, а исто така проблемот го актуелизирале во неколку наврати и преку медиумите.
Овој објект се наоѓа на само десетина метри од детското игралиште каде се рекреираат најмладите жители од оваа населба. Треба ли да се случи некој сериозен инцидент за да од ЕВН конечно сфатат колкава е опасноста во овој случај или реакциите на јавноста конечно ќе допрат до нив?

Во соопштенијата кои ги испраќа ЕВН Македонија, а со кои ги информира граѓаните зошто обично се случуваат прекините со снабдување со електрична енергија, често пати стои дека причината е : „реализација на инвестиционите зафати за подобрување на квалитетот во снабдувањето со електрична енергија на корисниците во овој регион.“

Па да се надеваме дека од ЕВН ќе поработат на „подобрување на квалитетот во снабдувањето со електрична енергија на корисниците И во овој регион“.

{loadposition content9}